Robberto Darsini, regentis thesaurariam Tholosæ regiam, per manus Johannis Bodeti ejus vices gerentis, pro xin baudreriis unius pedis; 11 ansaprenis; una caxia cadrillorum parvi términi; duobus canonibus ferri; 11. plumbatis; vIII. libris pulveris pro canonibus; 11. cavillis pro eisdem canonibus munitis de tachis; x111. pavesiis; c. fundis cum baculis; L. lanceis; c. telis; XIII. taulachiis; uno sarcione et una teca pro dictis telis et lanceis reponendis, per me emptis de mandato domini senescalli Tholosani et Albigensis pro garnisione castri de Suo-Podio, siti in fronteria inimicorum domini regis Francorum, et defencione ejusdem, trigenta sex libras novem solidos quatuor denarios turonenses, de quibus sum contentus et promitto computare. Datum Tholose sub meo sigillo, die xxix. aprilis, anno Domini mo. ccc°. XL quinto.

V.

B. R. Original, parchemin, parmi les Titres scellés de Clairambault. Vol. 9, fol. 483.

17 juin 1359.

Lermite de Bachevillier, chevalier, capitaine de Saint-Mor et de la Queue en Brie, et général lieutenant de monsieur le maistre des arballestriers du roy nostre sire, et de monsieur le regent, confesse avoir eu et receu de maistre Jehan de Lyon, sergent d'armes du roy nostre sire et de monsieur le regent, et maistre de leurs artilleries, l'artillerie qui cy après s'ensuit et la quelle il a fait amener par eaue de Paris à Meleun, du commandement de mon dit seigneur le regent: C'est assavoir, vint milliers de quarriaux en quarante caisses et coffres; diz milliers de viretons en vint tonneles; diz huit faloz; six cens tourteaux; huit botes de dars, vint et cinq dars en la bote; douze lances senz fers pour aancer faloz; deux grans canons garniz de poudre et de charbon et de plonmées; diz piz de fer, et deux cenz trente pavaiz; des quelz il en y a eu de pardus et brisiez en la rivière par une piere d'engin qui chut sur le batel et l'effondra, ou quel bastel ladite artillerie estoit, cent et diz pavaiz. Et de toute l'artillerie dessus dite, ès noms de noz diz seigneurs et de monsieur le maistre, je me tieng pour bien content et vueil que par ces presentes toute l'artillerie dessus dite soit alloée ès comptes dudit maistre Jehan et rabatu de sa recepte senz contredit ou difficulté aucune. Donné à Meleun, soubz le seel de ladite maistrise, le xvII jour de juing, l'an de grace mil CCCLIX.

VI.

B. R. Original, parchemin, au Cabinet des titres de la Bibliothèque royale.

15 octobre 1359.

Sachent tuit que je Guillemin Larchier, artilleur du roy nostre sire en son chastel de Meleun, confesse avoir eu et receu du commandement de honerable homme et sage mon chier et douté seigneur sire Phelippe Gillier thresorier de France de Jehan de Lyon sergent d'armes du roy nostre sire et de monsieur le regent et mestre de leur artillerie, par la main Jehan Dauvilliers, son clerc, l'artillerie et les choses qui sensuivent. Premierement trois milliers de viretons en vi. tonneles. Item, en un tonnelet 1.o 1. et XII viretons à fers barbelés; deux pavais, I grant et I petit; douze dars, et une grant lance sans fers; huit archiguaies, VII. sans fers et une ferée; une arbaleste de fust; cinquante sis plommées rondes pour canons; item, trente deux autres plommées; douze livres de plon pesant, et vint et trois livres de poudre pour canons; pour ordener et mectre là où il plaira audit sire Phelippe Gillier, thrésorier de France. Des queles choses dessus dictes, par moy ainsi receues, je me tieng pour content, et en quite à touz jours ledit Jehan de Lyon, son dit clerc et touz ceus à qui quictance en appartient. Donné à Meleun sous mon séel, le xv jour d'octembre, l'an de grâce mil ccc. cinquante noef.

VII.

B. R. Clairamb. Titres scellés, vol. 46, intitulé : Amiraux de France, de Brelagne, généraux des galères, etc. Fol. 169.

15 juillet 1370.

Loys, fils de roy de France, frère de monsieur le Roy et son lieutenant ès parties de Languedoc, duc d'Anjou et conte du Maine, à nostre bien amé Estienne de Montmejan, tresorier des guerres de monsieur et de nous ès dites parties, salut. Nous vous mandons et comandons et estroytement enjugnious que, veues ces presentes, voz paiés, bailez et delivrez à maistre Jehan Beneger, maistre de l'artilherie du roy, cent dix et sept franx six gros, pour achater quatre canos (1) du pris de doze franx; pour 111. cavilhes du pris de 111 franx; pour xv livres de poudra pour les canos du pris de v franx; pour 1. pomblades

(1) Ce qui met le prix de chaque canon à 4 francs. On voit que ces canons ue devaient pas être plus gros que nos fusils de munition.

da pris du v111 fraux; pour 1111 buffets et 1 payrolets, pour le service des canos du pris de 111 franx; pour 111 tours à tendre les arbalestres, du pris de xvi franx; pour un milier de garotz subtilz du pris de x1 franx; pour xi arx d'if, du prix de xxIII franx; pour xxxvi dozenes fleches, du pris de x1111 franx vi gros; pour xx glaves garnis, du pris de xi franx x gros; pour vi livres fil et une livre cira, pour reparelhier les arbalestres, un franc vi gros; pour le logier d'une gabarre à porter les choses dessus dites de Thoulose jusques à Chastel Sarazin, I franx. Laquelle artillerie et choses sont à nous nécessaires ou fait de la guerre et pour contraster et grever nous enemix; et gardez vous que en ce délievrer n'ait aucun deffaut, quar nous vos encorrosarions. Et par rappourtant cest present mandement et lettre de quitance du dit maistre de l'artilherie, ladicte somme de cxvII franx six gros sera allouée en vous comptes et rabatue de vostre recepte sans contredit ou difficulté aucune, par nous bien amés lez gens dez comptes de monsieur à Paris. Donné à Thoulose, le xv jour de jullet, l'an de grace mil

CCC LXX.

Par monsieur le duc à la relacion du conseil. Signé : P. VIGUERII.

VIII.

B. R. Original, parchemin, au Cabinet généalogique, série des titres originaux.

29 décembre 1371.

Saichent tuit que Jehan de Lions, sergent d'armes du roy et maistre de ses artilleries, confesse avoir eu et receu de nobles et puissans seigneurs les généraulx, conseillers sur les aides ordennés pour le fait de la guerre, par la main de Jehan Luissier, receveur général d'iceulx aides, la somme de XL frans d'or pour paier un cent de poudre pour canons, demi cent de garros pour les canons, certaine quantité de broiches et de repoux pour les canons, pour la voiture de mener x11 milliers de viretons et les choses dessus dites de Paris à Vernon, et de Vernon à Conches et à Breteil, tant par eaue comme par terre, et pour celui qui condura la voiture; de laquelle somme de XL frans d'or je m'en tieing à bien paiez et content et en quicte le roy nostre sire, mes diz seigneurs les généraulx et ledit Jehan Luissier, et tous autres à qui quittance en puet et doit appartenir. En tesmoing de ce, je ay seellée ceste quictance de mon propre seel de quoy je use en mon dit office. Fait le XXIX jour de decembre, l'an mil CCC LXXI.

IX.

B. R. Original, parchemin, parmi les Titres scellés de Clairamb. Vol. 57, fol. 4355. 7 septembre 1373.

Sachent tuit que je, Jaques de Hangest, huissier d'armes du roy nostre sire et capitaine de la forteresse du pont de Charenton, congnois et confesse avoir eu et receu de Jehan de Lyon, sergent d'armes d'icellui seigneur et maistre de son artillerie, les choses qui s'ensuivent, c'est assavoir deux gros canons; cent garros pour l'espringole; dix coffres, c'est assavoir: v coffres de viretons et cinq coffres de quarraux; deux ars à tour; deux arbalestes à chaucepiez, et douze pavaz; tout pour la garnison de ladicte forteresse du pont de Charenton. De laquelle somme d'artillerie je me tieng à bien paié, etc., etc., etc. En tesmoing de ce, j'ay mis mon seel en ceste cédule, du quel je use. Ce fu fait le vii jour de septembre, l'an mil CCC LX et treze.

X.

B. R. Original, parchemin, au Cabinet des titres, au mot Vienne.

1er novembre 1374.

Jehan de Vienne, seigneur de Roulans, admiral de France et lieutenant du roy nostre sire ou païs de la Basse Normendie, à nostre bien amé Nicolas le Prestrel, receveur ou diocèse de Coustance des aides ordennées pour le fait de la guerre, salut. Nous avons retenu et retenons par ces présentes, pour servir le roy nostre seigneur en nostre compajgnie és bastides de devant Saint-Sauveur le Viconte, Gérart de Fyugahc, canonnier, pour faire faire certains gros canons getans pierres et en faire geter toutesfoiz que besoing en sera; et lui avons ordonné qu'il ait et preigne de gaiges, pour chascun mois, la somme de quinze frans d'or. Si vous mandons que ses diz gaiges vous lui paiez par chascun mois qu'il sera oudit service et jusques à ce que vous en aiez lettres de nous de cassement; et aussi vous mandons que vous lui faciez baillier et delivrer par juste et loial pris que vous paiez des deniers du roy, fer, acier, buche, charbon, forge, soufflés et tous autres habillemens dont il vous requerra qui seront necessaires aux ouvrages des canons qu'il nous a promis à faire en prenant de tout ce lettres de recognoissances; par les quelles rapportant avec ces presentes, tout ce que paiez aurez pour ceste cause, vous sera alloué en voz comptes sanz contredit. Donné au Pont-l'Abbé, sous nostre seel, le premier jour de novembre l'an mil CCC LX et quatorze.

Par monseig. le lieutenant. Signé LE GUES.

XI.

B. R. Original, parchemin, au Cabinet généalogique, série des titres originaux.

13 mars 1374 (v. st.).

Sachent touz que je, Milet de Lyons, confesse avoir eu et receu de honorable homme et sage Nicolas le Prestrel, receveur eu diocèse de Coustances, des aides pour la guerre et de l'aide ordenné pour le siège de St.-Sauveur le Viconte, la somme de cent livres tournois, comptés par lui en blans de v. deniers tournois piece, pour yceulx tourner et convertir à achater deux cens livres de poudre, pour les gros canons de Paris qui sont audit siège, selon le mandement de nosseigneurs les commissaires du roy nostre sire eu païs de la Basse Normendie sur le fait dudit siège, adressant audit receveur. De laquelle somme de c. livres tournois je me tien à bien paié et en quite ledit receveur et tous autres à qui il doit appartenir. En tesmoing de ce, j'ay mis mon seel à ceste quitance faicte et donnée à Saint-Lo, le xin jour de mars l'an mil ccc soixante et quatorze.

XII.

B. R. Original, parehemin, au Cabinet généalogique, série des titres originaux.

4 mai 1375.

Sachent tous que je, Girart du Figac, canonnier et gouverneur du grant canon qui fut fait à St.-Lo, pour le fait de St.-Sauveur, certefie à tous à qui il appartiendra avoir eu et receu par la main de Nicolas le Prestrel, receveur ou diocèse de Coustances des aides de la guerre, par le commandement et ordenance de sire Jehan le Mercier, de monsieur l'amiral et de messieurs les commissaires sur ledit fait, pour emploier ou fait touchant ledit canon toutes les choses contenues et exprimées en un roulle parmi leqil ceste cédule est annexée, par la maniere et par les parties que dedens ycelui est contenu. En tesmoing de ce, j'ay cellée ceste cédule de mon propre seel; et à greigneur confirmacion, y a esté mis le seel de la viconte de Coustances. Ce fut fait le me jour de may, mil trois cens soixante et quinze.

XIII.

B. R. Original, parchemin, dans le volume acheté de M. Monteil, et intitulé: Recueil de 81 pièces relatives à la province de Normandie, depuis l'année 1357 jusqu'à l'année 1589. No 11 desdites pièces.

16 mai 1377.

Les généraulz conseillers sur le fait des aides de la guerre à Yvon Huart, receveur à Baieux des diz aides, salut. Nous vous mandons