And since the marriage-knot was tied, Rob swears he coudna want her; For he loves Maggie as his life,

And Meg loves Rob the Ranter.

CHARLIE IS MY DARLING.

O CHARLIE is my darling,
My darling, my darling;
O Charlie is my darling,
The young Chevalier!

When first his standard caught the eye,

His pibroch met the ear,

Our hearts were light, our hopes were high For the young Chevalier.

O Charlie is my darling, &c.

The plaided chiefs cam frae afar,
Nae doubts their bosoms steir;

They nobly drew the sword for war
And the young Chevalier!

O Charlie is my darling, &c.

But he wha trusts to fortune's smile
Has meikle cause to fear;
She blinket blithe but to beguile

The young Chevalier!

O Charlie is my darling, &c.

O dark Culloden-fatal field!

Fell source o' mony a tear;

There Albyn tint her sword and shield,
And the young Chevalier!

O Charlie is my darling, &c.

Now Scotland's "flowers are wede away;"

Her forest trees are sere;
Her Royal Oak is gane for aye,

The young Chevalier!

O Charlie is my darling,
My darling, my darling;
O Charlie is my darling,
The young Chevalier.

THE BLACK-E'ED LASSIE.*

AIR-" My only Jo and Dearie 0!”

Wr' heart sincere I love thee, Bell,
But dinna ye be saucy, O!
Or a' my love I winna tell

To thee, my black-e'ed lassie, O!
It's no thy cheek o' rosy hue,

It 's no thy little cherrie mou';
Its a' because thy heart 's sae true,
My bonnie black-e'ed lassie, O!

It's no the witch-glance o' thy e'e,
Though few for that surpass ye, O!

That maks ye aye sae dear to me,

My bonnie black-e'ed lassie, O!

* The heroine of this song subsequently became the author's wife.

It's no the whiteness o' thy skin,
It's no love's dimple on thy chin;
Its a' thy modest worth within,
My bonnie black-e'ed lassie, O!

Ye smile sae sweet, ye look sae kind,
That a' wish to caress ye, O!
But O! how I admire thy mind,
My bonnie black-e'ed lassie, O!
I've seen thine e'en like crystal clear,
Shine dimly through soft pity's tear;
These are the charms that mak thee dear,
To me, my black-e'ed lassie, O!

GRIM WINTER WAS HOWLIN'.

AIR-" Bonnie Dundee."

GRIM winter was howlin' owre muir and owre mountain,
And bleak blew the wind on the wild stormy sea;
The cauld frost had lock'd up each riv'let and fountain,
As I took the dreich road that leads north to Dundee.
Though a' round was dreary, my heart was fu' cheerie,
And cantie I sung as the bird on the tree ;

For when the heart 's light, the feet winna soon weary,
Though ane should gang further than bonnie Dundee !

Arrived at the banks o' sweet Tay's flowin' river,
I look'd, as it rapidly row'd to the sea;
And fancy, whose fond dream still pleases me ever,
Beguiled the lone passage to bonnie Dundee.

There, glowrin' about, I saw in his station
Ilk bodie as eydent as midsummer bee;
When fair stood a mark, on the face o' creation,
The lovely young Peggy, the pride o' Dundee !

O! aye since the time I first saw this sweet lassie,
I'm listless, I'm restless, wherever I be;
I'm dowie, and donnart, and aften ca'd saucy;
They kenna its a' for the lass o' Dundee !

O! lang may her guardians be virtue and honour;
Though anither may wed her, yet well may she be;
And blessin's in plenty be shower'd down upon her--
The lovely young Peggie, the pride o' Dundee !

JOHN FINLAY.

JOHN FINLAY, a short-lived poet of much promise, was born at Glasgow in 1782. His parents were in humble circumstances, but they contrived to afford him the advantages of a good education. From the academy of Mr Hall, an efficient teacher in the city, he was sent, in his fourteenth year, to the University. There he distinguished himself both in the literary and philosophical classes; he became intimately acquainted with the Latin and Greek classics, and wrote elegant essays on the subjects prescribed. His poetical talents first appeared in the composition of odes on classical subjects, which were distinguished alike by power of thought and smoothness of versification. In 1802, while still pursuing his studies at college, he published a volume entitled "Wallace, or the Vale of Ellerslie, with other Poems," of which a second edition appeared, with considerable additions. Soon after, he published an edition of Blair's "Grave," with many excellent notes; produced a learned life of Cervantes; and superintended the publication of a new edition of Smith's "Wealth of Nations." In the hope of procuring a situation in one of the public offices, he proceeded to London in 1807, where he contributed many learned articles, particularly on antiquarian subjects, to different periodicals. Disappointed in obtaining a suit

* A third edition was published at Glasgow, by R. Chapman, in 1817.