Quo' he, "My goddess, nymph, and queen,
Your beauty's dazzled baith my een!"
But deil a beauty he had seen
But-Jenny's bawbee.

A lawyer neist, wi' blatherin' gab,
Wha speeches wove like ony wab,
In ilk ane's corn aye took a dab,
And a' for a fee.

Accounts he own'd through a' the town,

And tradesmen's tongues nae mair could drown,
But now he thought to clout his gown

Wi' Jenny's bawbee.

A Norland laird neist trotted up,
Wi' bawsend nag and siller whup,

Cried, "There's my beast, lad, haud the grup,

Or tie't till a tree :

What's gowd to me? I've walth o' lan';
Bestow on ane o' worth your han'."
He thought to pay what he was awn
Wi' Jenny's bawbee.

Drest up just like the knave o' clubs,
A thing came neist (but life has rubs),
Foul were the roads, and fu' the dubs,

And jaupit a' was he:

He danced up squinting through a glass,
And grinn'd, "I' faith a bonnie lass!"
He thought to win wi' front o' brass
Jenny's bawbee.

She bade the laird gae kame his wig,
The soger no to strut sae big,

The lawyer no to be a prig;

The fool he cried, "Tehee!

I kenn'd that I could never fail!"

But she prenn'd the dishclout to his tail,
And soused him in the water-pail,

And kept her bawbee.

"Select

This song was contributed by its unfortunate author to Thomson's Melodies of Scotland." Sir Alexander was the son of James Boswell, whose in

imitable "Life of Dr. Johnson " has conferred a peculiar immortality upon his name. He was unfortunately killed in 1822, by Mr. James Stuart of Dunearn, in a duel arising out of a literary squabble in the "Sentinel," a Glasgow newspaper, to which Sir Alexander had contributed a "Whig song," supposed to be written by one of the Jameses, certainly not by King James the First or King James the Fifth, but probably by one of the house of Stuart." The song was very scurrilous, and reflected on the honour of Mr. Stuart. In after-life Mr. Stuart became editor of the London "Courier," and an Inspector of Mills and Factories.

JENNY'S BAWBIE.

Oldest version, upon which the preceding was founded by SIR ALEXANDer Boswell.

And Jenny dang, Jenny dang,
Jenny dang the weaver;
But soon the fool his folly kent,
For Jenny dang the weaver.

At ilka country-dance or reel
Wi' her he would be babbing;
When she sat down, he sat down,
And to her would be gabbing;
Where'er she gaed, baith but and ben,
The coof would never leave her,
Aye kecklin' like a clacking hen;
But Jenny dang the weaver.
Jenny dang, Jenny dang,

Jenny dang the weaver;
But soon the fool his folly kent,
For Jenny dang the weaver.

Quo' he, My lass, to speak my mind
In troth I needna swither;

You've bonnie een; and if you're kind,
I'll never seek anither.

He humm'd and haw'd; the lass cried, Peugh!
And bade the coof no deave her;

Syne snapt her fingers, lap and leugh,

And dang the silly weaver.

And Jenny dang, Jenny dang,

Jenny dang the weaver;
But soon the fool his folly kent,

For Jenny dang the weaver.

ANONYMOUS. Air-"There's cauld kail in Aberdeen."

THERE'S cauld kail in Aberdeen,

And custocks in Stra'bogie,

And ilka lad maun hae his lass,

But I maun hae my cogie.
For I maun hae my cogie, sirs,
I canna want my cogie;
I wadna gi'e my three-gir'd cog
For a' the wives in Bogie.

Johnny Smith has got a wife
Wha scrimps him o' his cogie;
But were she mine, upon my life
I'd dook her in a bogie;

For I maun hae my cogie, sirs,
I canna want my cogie;
I wadna gi'e my three-gir'd cog
For a' the wives in Bogie.

Twa three todlin' weans they hae,
The pride o' a' Stra’bogie;
Whene'er the totums cry for meat,

She curses aye his cogie,

Crying, "Wae betide the three-gir'd cog!

Oh, wae betide the cogie!

It does mair skaith than a' the ills
That happen in Stra'bogie."

She fand him ance at Willie Sharpe's;
And, what the maist did laugh at,
She brak the bicker, spilt the drink,
And tightly gouff'd his haffet,

Crying, "Wae betide the three-gir'd cog!
Oh, wae betide the cogie!

It does mair skaith than a' the ills
That happen in Stra'bogie."

Yet here's to ilka honest soul
Wha'll drink wi' me a cogie;
And for ilk silly whinging fool,
We'll dook him in the Bogie.
For I maun hae my cogie, sirs,
I canna want my cogie;
I wadna gie my three-gir'd cog
For a' the wives in Bogie.

This song was popular in Aberdeenshire in the middle of the eighteenth century. There are at least half-a-dozen Scottish parodies upon, or emendations of it. One, by Alexander fourth Duke of Gordon, appears among the Miscellaneous Songs in this volume; and a second was printed in Herd's Collection.